Zumaian talde bat elkartu gara, futbolak, hark ekartzen dizkigun bizitza oroitzapenek eta partekatu nahi ditugun esperientziek bultzatuta.
11 da zelaira irteteko behar den zenbakia, eta hauxe da gure hamaikakoa: Beni, Diego, Joxean, Mila, Pedro, Vicente, Ramon, Javier, Eva, Joxe eta Ricardo. Olatz, Oihana eta Nagore laguntzaile, eta Mitxel eta Bixio entrenatzaile, futbolaren bidez oroitzapenetara eta esperientzietara bidailagun.
Kasu honetan, taldea ez da Otezurikoa bakarrik, Zumaian bizi diren pertsonek osatzen dute, eta, beraz, komunitatearekin lotura esanguratsuak sortzen ditugu.
Bagenuen esperientzia futbolean oinarritutako erreminiszentzia programa honekin, eta horregatik ez dugu zalantzarik izan talde berri batekin errepikatzeko, FEAFVri esker.
Gaur, 2025eko azaroaren 17an, hasiko da gure entrenamendua.
Proiektuaren egoera: Abian
Pixkanaka, astez aste, taldea gehiago ezagutzen da, eta futbolaren, bizitzaren, eta bizitakoaren oroitzapenak eta esperientziak partekatzen ditu.
Futbol taldeen doinu eta ereserkiekin oroitzapenak aktibatzen dira, eta haritik tira egiten da... eta azkenean partidoa ikustera gindoazen lagun harekin gogoratzen gara, edo futbol taldearen kontratuari esker estreinatu genuen auto horrekin, modu arinagoan lanera joateko aukera eman zigulako.
Eta irribarre egin...
eta konektatzen gara...
Adibidez, otsailaren 2an, kondaira diren jokalarien bisitarekin, hala nola Diego Alvarez eta Ibon Amutxastegi, 81-82ko ligako jokalari eta irabazle handiez gain, parte hartu zuten pertsona batzuen taldekideak ere izan baitziren, eta irribarre egiten dute eta aitortzen dute elkar ikusten dutela hainbeste urteren ondoren. Sorpresa eta oroitzapen partekatuak.
