Memoria Bizia · Komunitatea eraikitzen duten istorioak, Historiadun Memoria ekimenaren ildo zabaldua da, Gipuzkoako zainketen balio sozial, erlazional eta kulturalean sakontzeko. Proiektuaren ardatza da ikusaraztea pertsonek, bere bizi ibilbidetik nola bizi duten, nola eskaintzen duten edo nola jasotzen duten zaintza egunerokoan, zainketak zentzu zabalean ulertuta: afektiboa, familiarra, komunitateko parte bezala, profesionala, belaunaldien artekoa edota emozionala. Begirada horri esker, zaintzak, ekintza indibiduala edo pribatua izan beharrean, bizikidetzari eusten dioten eta zaintzen dituzten komunitateei forma ematen dieten praktikak direla erakutsi daiteke.
Proiektua 2026ko apiriletik abendura bitartean garatuko da, eta 25 bizitza istorio oso jasoko ditu, lurraldeko hainbat eskualderen adierazgarri, eta Esti Ortolaiz dugu horretarako, profesionala eta inspiratzailea.
Historia horiek artxibo digital bizi batean sartuko dira, eta MatiaZaleak webgunean argitaratuko dira. Istorio bakoitza bere testu luzearekin, bideo osoarekin, ikus-entzunezko pieza laburrarekin, audioarekin, kontakizunarekin, erretratuarekin eta lurraldearen geolokalizazioarekin txertatuko da, eta baliabide kultural irisgarri bihurtuko da.
Proiektu honen helburua da:
- Zaintza mota guztiak ikusaraztea eta duintzea
- Estereotipo eta begirada erredukzionistei aurre egitea
- Gizartearen, hezkuntzaren eta komunitatearen parte-hartzea aktibatzea
- Denboran zehar irisgarria eta jasangarria den artxibo kultural bat sortzea
Kutxa Fundazioak ekimen haubabesten du “2026ko Gipuzkoako ekimen sozial eta kulturaletarako laguntzen” bidez.
Horretan hasiko gara!
Baduzu kontatzeko istorio bat?
